ازّاي تسمع إنتاجات فسيلة؟

البودكاست الي بتنتجه فسيلة بيتقدّم للجمهور بشكل مباشر من خلال تطبيقات البودكاست المختلفة.

للاستماع المباشر من تطبيقات البودكاست، اختر نظام تلفونك وهتظهر لك الخطوات:

نظام Android

من خلال Play Store تقدر تحمّل تطبيقات كتير مختلفة للبودكاست. بنرشّح لك تحمّل وتسمع مباشرةً من Spotify. والبودكاست مُتاح كمان على أنغامي وGoogle Podcasts، ومعظم تطبيقات البودكاست.

بعد تحميل التطبيق الي تختاره، هتبحث عن اسم البودكاست الي عايز تتابعه وتعمل له Follow. ده هيسمح لتليفونك يحمّل الحلقات الجديدة بشكل تلقائي عن طريق الـWi-Fi. وبمجرّد ما تنزل من بيتك أو تحب تبدأ تسمع هتفتح التطبيق وتدوس Play. ولما توصل وجهتك هتوقف التشغيل، وتكمل من مكان ما وقفت في أي وقت تفتح فيه نفس الحلقة تاني من خلال التطبيق.

نظام iOS

آبل هي أول من بدأ البودكاست. والاسم مأخوذ من كلمتين: iPod + Broadcast. وبالتالي هتلاقي تطبيق مخصص اسمه Podcasts موجود بالفعل عندك على الموبايل. تقدر تسمع منه مباشرةً. ولكن احنا بنرشّح تطبيق Overcast، وده لأنه بيتميّز بخاصيّة التسريع الذكي، بحيث يقصّر اللحظات الي مفهاش كلام فقط، وتفضل سرعة الكلام طبيعية طول الحلقة.

بعد تحميل التطبيق الي تختاره، هتبحث عن اسم البودكاست الي عايز تتابعه وتعمل له Follow. ده هيسمح لتليفونك يحمّل الحلقات الجديدة بشكل تلقائي عن طريق الـWi-Fi. وبمجرّد ما تنزل من بيتك أو تحب تبدأ تسمع هتفتح التطبيق وتدوس Play. ولما توصل وجهتك هتوقف التشغيل، وتكمل من مكان ما وقفت في أي وقت تفتح فيه نفس الحلقة تاني من خلال التطبيق.