الفسيلة: النّخلة الصغيرة تُخلع من الأمّ وتغرس.

استعرنا اللفظ من الحديث الشريف: إن قامتِ الساعةُ و في يدِ أحدِكم فسيلةً ، فإن استطاعَ أن لا تقومَ حتى يغرِسَها فليغرِسْها.

وفي الحديث دعوة للتّفاؤل، وحثّ على غرس النّبتة حتّى لو كانت القيامة قامت! وده تأكيد على ان دورنا في الحياة هو اننا نسعى، ونزرع البذور الطّيّبة، والنّتيجة مش بتاعتنا. ومن ناحية تانية، بيشجّعنا اننا منتأخّرش في السّعي. ونلحق نزرع على قد ما نقدر.

مش بنقدّم نفسنا في أيّ عمل من أعمالنا اننا "الخبراء" أو اننا عارفين "كل الإجابات". بالعكس، هدفنا ندوّر مع بعض على الأسئلة المفيدة الي تشغّل عضلاتنا الفكريّة وتفتّح لنا سِكَك ممكن مكنّاش شايفينها. وغالبًا هتخرج من عندنا عندك أسئلة أكثر من الي دخلت بيها. وبالنسبة لنا، هي دي الحياة الي تستحق تتعاش. حياة مليانة فُضول، وبحث عن المعنى.